'

【世盃快打】加納出局有段古!安祖阿休宴客 女兒即場暈倒看台;半場同細佬離場趕赴醫院

前晚加納以0比2不敵烏拉圭,雖然出局,但亦總算同「仇人」烏拉圭攬炒。但其實喺上半場21分鐘,加納曾經有機會領先,可惜安祖阿休12碼宴客,令局勢發生微妙變化。

半場嗰陣,安祖阿休同佐敦阿休同時被調離場,好多人都以為係安祖因為宴客後再連失兩球而崩潰,要求換出,又或者係加納想變陣去收復失地,但突然兩大攻擊主力離陣,始終令人晒頭。

到今日呢個謎團終於解開,原來係因為安祖嘅7歲囡囡Maha,今仗入場幫老竇同叔仔打氣,點知見證老竇宴客,激動得滯,即場暈倒而送院!阿休兄弟收到消息後,踢半場就走人,趕去醫院探Maha。

好彩Maha冇乜大礙,安祖之後喺IG都有報平安,po自己抱住囡囡嘅相:「以呢種方式結束世界盃,的確係好糟糕……」

「好彩,我囡囡已逐漸康復,感謝全能的阿拉……真正嘅加納精神,係直到啲骨頭枯爛之前,我哋都未算死亡!」