女子足球越來越受重視，而將於7月20舉行嘅女子世盃，就更加唔可以錯過。今屆開波時間仲要係朝早9點到夜晚8點，時間上fit晒香港球迷。
呢項4年一度賽事，係女子足球最高榮譽嘅舞台，今年嚟到第9屆，由澳洲及新西蘭兩國合辦，參賽隊伍由上屆24隊增至32隊。
女子世盃唔單止係體壇盛事，亦對經濟方面構成極大刺激，其中一定要提嘅係廣播及廣告效益。就好似英格蘭女子隊上年贏得歐國盃冠軍，吸引87,192名球迷入場，創下女子歐國盃入場紀錄。
2019年女子世盃期間，英格蘭女足電視收視率達到了2.8億人次，超過了2018年男子世界盃的2.5億人次。正所謂水漲船高，高收視率帶動相關廣告費用都大幅提升。
講到女子足球嘅世界，同男子足球當然好大分別，歷來贏得最多女子世盃嘅就係美國，總數達4次。挪威以日本亦都曾經封后，上述國家於男子世界盃，莫講話捧盃，連決賽都未去過。至於足球強國巴西，於女子世盃成績唔算突出，最佳成績為2007取得亞軍。
不過都有例外嘅，所講嘅就係德國。無論男足女足，德國隊攞過極佳成績。男足贏過4次世盃相信好多人都知，而女足都贏過2次兼1次亞軍。所以話德國男女足球發展全面，又睇吓佢哋今屆表現如何啦！
基於主辦國係澳洲及新西蘭，與香港時差不多，會吸引到唔少香港球迷留意。因此，呢屆女子世盃唔單止可提升女子足球地位同埋影響力，亦能帶動經濟與社會嘅發展，令大家對女性運動員更加尊重及更多支持。
