國際米蘭莫財就係人都知，而部份球員都已經搵到後路。比如斯洛伐克後衛史堅尼亞，3個月前就已經同法甲巴黎聖日耳門簽定合約，去到暑期就會免費加盟。
既然史堅尼亞都唔會留隊，依家就真係打風流工。鍾意就去操波，唔鍾意就話傷踢唔到。為免國米知道佢吹水扮傷，史堅尼亞就無返國米大本營，走咗去聖日耳門約見當地醫療團隊，仲話係搵腰傷專家。雖然國米管理層包括領隊施蒙尼恩沙基，對史堅尼亞相當不滿，但只能夠講吹佢唔脹。
唔單止史堅尼亞，其實國米陣內有唔少球員都都搵定出路。好似意大利國腳巴斯東尼，據聞已與AC米蘭搭上。高薪球員比利時前鋒盧卡古，今季完結果後國米應該唔會續借，將會歸還畀車路士。
