【英超】領隊估計提早收咧;三笘薰出po親證受傷:會以更強大姿態回歸

「因為傷病,我不得不再次倦勤。我會繼續忍受呢段時間,不過我會將呢段時間視為有意義嘅事情,亦會以更强大嘅姿態重返球場。」白禮頓嘅日本王牌翼鋒三笘薰,親自喺IG出po,確認受傷嘅消息。

26歲嘅三笘薰喺上周六對愛華頓一戰,因背部傷患未有上陣,該戰兩軍各一言和,白禮頓領隊迪些比表示:「喺呢個球季結束之前,我哋都唔會見到三笘薰。我認為佢將要休戰2、3個月,換句話說,佢今季已經完結。」

本賽季截至目前,三笘薰為白禮頓各項賽事出場26次,入3球,斬獲5次助攻,出場時間1485分鐘,絕對係球隊攻擊線嘅核心。

事實上,除咗三笘薰,白禮頓仲有艾雲費格遜、韋碧克、費文受傷,嚟緊足總盃對狼隊,只能夠以殘陣出戰,迪些比話:「放心,我冇沮喪,呢種情況喺足球世界成日都會發生。我哋要繼續熱情咁工作,轉危為機。」