【AllUpKing】阿瑟贏級數;曼聯再食般茅冇難度?美職總決賽 撐基亞連尼封王

近排King Sir手風都唔錯,今日繼續同大家分享吓心水,揀咗3場波嚟研究吓。

先係晏晝4點半澳職,FC悉尼主場對FC麥克阿瑟。悉尼早已經今非昔比,對上兩季聯賽常規賽都只係得第5同第8,已經唔係3、4年前嗰支傳統勁旅。今季佢哋依然冇乜起色,6戰2勝4負,輸嗰4場都係吞蛋完敗嗰隻,冇乜還擊之力。反而新勢力麥克阿瑟繼續有驚喜,6戰3勝3和仲未輸過波,法國前鋒謝明已經開咗齋,有佢坐鎮,阿瑟級數點都可靠啲,今場受讓半一,相當抵玩。

戲肉11點英超,筆者揀咗曼聯主場對般尼茅夫呢場波。曼聯上場2:1擊敗車路士,表現可以話係近期最Sharp醒,唔用拉舒福特,用番加拿祖、安東尼拍海倫,做到坦克想做嘅逼搶,加埋中間安拉拔同麥湯,完住壓制住車仔中場,King Sir覺得呢個陣容,就係坦克心目中嘅最強戰陣,斷估佢今場唔會貿然再變啩?

般茅近4場3勝1和,狀態堅唔錯,但睇番佢哋近4次對曼聯係輸晒,加上早前佢哋作客曼城慘輸1:6,相當飄忽,曼聯讓一球坐走望贏,揀上盤。

壓軸玩周日凌晨5點嘅美職總決賽,東岸王者哥倫布機員挑戰衞冕冠軍FC洛杉磯。洛杉磯有大家熟悉嘅卡路士韋拿、基亞連尼,一前一後,嚟到呢啲大賽,壓場感同經驗係相當重要。哥倫布機員跌跌撞撞殺到嚟決賽,近4場亦失8球,近兩次對賽又輸晒,睇唔到佢哋有咩本錢復仇,呢場撐洛杉磯2.1倍冠軍。

King Sir推介
FC麥克阿瑟 受讓半一 下盤
曼聯 讓一球 上盤
FC洛杉磯 冠軍