【AllUpKing】聯賽回歸星光熠熠!科隆大巴抗卡尼,聖日耳門擺大個頭 入波有保證

玩完國際賽之後,11月尾各地聯賽又再展開角逐。今晚都有幾多靚場次可以揀,就整條過關試吓,包括德甲、法甲以及智甲賽事。

凌晨3點30分,打頭陣德甲科隆主場對拜仁慕尼黑。論排名論氣勢,點計都係拜仁佔優,不過呢場King Sir就拗下頸,事關拜仁真係讓得太多,早飛盤開到拜仁讓兩球只得87折,真係揀唔落手。

查實科隆演出都有多少起色,起碼近2場聯賽都打和攞到1分。今次面對強隊拜仁,科隆肯定縮住踢唔會同你鬥搶,立定心腸求摸和拜仁,再加埋有主場之利,拜仁未必可以大炒對手。一於揀科隆「下盤」。

卡尼

凌晨4點,法甲巴黎聖日耳門主場對摩納哥,雙方於積分榜分列第1及第3,賽前聖日耳門只係領先對手3分,所以呢場波對爭標形勢有重大影響。今季聖日耳門搵安歷基執教,排陣極為進取,仲型到擺出當年王者巴西4-2-4陣式。呢種全攻型陣式有前無後,容易造就高入球數字。入球大細中位數3.5球捧「大」。

PSG擺大個頭。

聽早7點27分,智利甲組聯賽有卡拉雷聯主場對艾斯賓路拿。兩支球隊計實力就差唔多,但若計近況的話,艾斯賓路拿就極曳,唔單止連續9未贏過,單計作客仲連輸5場。主隊卡拉雷聯都唔叻得去邊,但既然對手頹到爆,卡隊贏面應該高少少,讓平/半好合理,正頭正路揀「上盤」。

卡拉雷聯主場有一定威力。

King Sir推介:
科隆 受讓兩球 下盤
巴黎聖日耳門 3.5球 大
卡拉雷聯 讓平半 上盤