【AllUpKing】紅魔鬼今非昔比 愛華頓上力 主場可沖喜?

周六晚曼城對利物浦打和1比1,雖然開唔到總入球「3」有啲唔抵,但總算睇咗場好波。去到今晚深夜,依然有靚波推介畀大家。英超重頭戲方面,愛華頓主場對曼聯,相信都有唔少球迷關注,從賠率上反映,曼聯呢3分未必咁易攞得到。

被扣10分、主場水深火熱嘅愛華頓對曼聯,竟然開個平手盤。如果十幾廿年前,曼聯作客都隨時要讓一球。賠率已經說明「紅魔鬼」今非昔比,King Sir覺得,現階段唔好再當曼聯係名牌球隊。

再講吖,今季愛華頓成績都唔太標青,開得平手盤,就知操盤專家對曼聯有保留。齋講近況,主隊愛華頓其實仲好,連同盃賽及聯賽已經連續4場不敗。既然「拖肥糖」逐漸上力,平手盤必捧主隊。

星期一凌晨3點45分,意大利國家打吡暨意甲榜首大戰,祖雲達斯主場對國際米蘭。兩支球隊近績都好亮麗,祖記5連勝而國米6就連勝。對賽往績又差唔多,雙方球員質素又好接近。任你點秤都係場五五波,國際米蘭作客仲要讓平半就唔多值,揀祖記「下盤」。

朝早10點06分,墨超附加賽利昂主場拿根亞。好多人都知利昂向來主強客弱,所以最近以2比3不敵聖路易斯體育會,實在無需太過在意,今次利昂返主場隨時有脫胎換骨表現。拿根亞方面,10月就曾經以0比2輸畀利昂,心理或者會輸蝕少少。今場利昂主場讓半/一,「上盤」啱數。

King Sir推介
愛華頓 平手盤 主隊
祖雲達斯 受讓平/半 下盤
利昂 讓半/一 上盤