歐聯之夜，睇完都成5點，差不多又要換衫開工，朝早買番場波刺激吓，咁就唔怕瞌眼瞓啦！順起上嚟隨時有免費午餐添。一陣朝早9點，墨西哥超級聯賽有場利昂對阿特拿斯。論近績論排名，利昂都在對手之上，主勝現價1.69都幾合理，理想選擇。
對於墨西哥球隊，相信最多人認識就係CF阿美利加、瓜達拉哈拉、甚或係托盧卡等等。查實利昂於當地都都好有名氣，雖然聯賽冠軍次數唔夠CF阿美利加有13次咁多，但利昂都贏過8次，絕唔失禮。
講返今季演出，雖然聯賽排名第8位只屬中游分子，但近期表現唔錯，近4場取得3勝1和，包括幾日前砌低托盧卡。特別點名中場艾拿斯靴南迪斯，呢位前墨西哥國腳已經35歲，但依然活力十足，現排行球隊助攻榜首位。憑佢豐富比賽經驗，對於球隊爭勝必有幫助。
相比之下，阿特拿斯近績就差好多，近3場比賽全部輸晒，尤其係最近以1比3不敵下游球隊FC馬薩蘭特最為失望。球隊正處於低潮期，今次仲要作客就更加難踢。阿特拿斯最近1次作客利昂就輸2比4，話唔定阿隊今次又輸多舖。
另外講吓阿根廷甲組聯賽，小阿根廷人對颶風隊，齋秤底質及名氣，梗係小阿根廷人較高。但見和波賠率竟不足3倍，相信呢場唔係咁單純，信飛數揀和波，現為2.95倍。到咗夜晚亞冠，不妨留意墨爾本城2.5球大，佢哋近3場都開晒大，入得又失得，而對面武里南聯今屆亞冠主場大勝浙江4比1，火力幾好，大盤有計。 文：King Sir
小阿根廷人 對 颶風隊 和 2.95
利昂 對 阿特拿斯 主勝 1.69
武里南聯 對 墨爾本城 大 1.63
3串1 8.12倍
