【AllUpKing】珀斯光輝地理因素冇得搞;曼聯後防不穩繼續反 殺埋落美職撐基亞連尼

星期六超多波,King Sir揀咗3場畀大家參考。下午先有澳職FC悉尼主場對珀斯光輝。去到星期日凌晨,英超紐卡素主場對曼聯。然後到朝早,美職FC洛杉磯主場鬥侯斯頓戴拿模。

周六下晝4點45分,FC悉尼佔主場之利可以熱捧。玩開澳洲都知,珀斯光輝係西岸唯一球隊,因地理問題令主強客弱特色尤其明顯。事實上,今季珀斯光輝作客全部輸晒,今輪聯賽要飛去悉尼,競爭力自然打折扣。

悉尼今季出閘脫腳,暫時1勝4負。但相信球隊會把握良機,大勝對手以振士氣。盤口FC悉尼讓到一球,操盤手對佢哋有信心,「上盤」預計坐和望贏。

凌晨4點,重頭戲英超紐卡素主場對曼聯。上次曼聯3:0贏愛華頓,但之後就同加拉塔沙雷踢成3:3,今次對手紐卡素實力更高,曼聯要再保不敗係有難度。查實佢哋周中都露晒餡,後防不穩係不爭事實,完全畀唔到人信心。紐卡素今季主場賽績幾可靠,贏過聖日耳門之外,近期亦砌低埋阿仙奴及車路士。執筆之時紐卡素讓平/半低水,「上盤」有買趁手。

好嘞,輪到美職FC洛杉磯主場拿侯斯頓戴拿模,比賽時間係星期日早上10點30分。季後賽階段,衛冕嘅FC洛杉磯表現都幾有說服力,當紅射手丹尼斯保亞加著晒火,暫時以20個入球領先射手榜,有佢擔正係入球保證。唔好忘記,主隊後場仲有個意大利中堅基亞連尼頂住。年紀係大啲,不過踢淘汰,最需要就係呢類富於經驗球員去穩定軍心。

侯斯頓戴拿模晉級過程都幾辛苦,特別之前對皇家鹽湖城只係靠互射12碼擊敗對手。今次4強賽仲要作客,條件就唔夠FC洛杉磯咁好。今場FC洛杉磯讓半/一,都係揀「上盤」。

King Sir推介
FC悉尼 讓一球 上盤
紐卡素 讓平/半 上盤
FC洛杉磯 讓半/一 上盤