【AllUpKing】熱刺細盤好過W、普馬斯熱唔透有戒心、馬薩特蘭返主場求連捷

勢估唔到,目前英超兩支不敗之師當中,有一隊竟然係熱刺。雖然賣走卡尼,但熱刺反而更加醒神,普斯迪高路上任後成功令球隊更似一個團隊,佢嘅強硬鐵腕,連一向Hea開嘅大帝們都怕怕,近3仗加埋只係失1球,今晚作客防守唔差嘅水晶宮,熱刺屬小勝格局,玩個入球細穩陣啲(2.5球)。

到星期六朝早,又有墨超,頭場9點由尼卡沙主場對普馬斯,去到11點正就有FC馬薩特蘭主場對克雷塔羅。

先講尼卡沙對普馬斯,前者現於榜尾位置,近績方面確係無乜好講。相反普馬斯排5位,點秤都高過對手。表面係強弱分明,但從賠率顯示唔似咁單純。事關今場普馬斯齊W開到1.84倍,如果普馬斯真係贏得的話,點會有咁好分頭,睇賠率落呢場有景轟。

翻查對賽往績,尼卡沙近2次主場對普馬斯都勝出,最近1次為2月中,當時尼卡沙贏3比2,而前次尼卡沙則淨勝3粒。既然客隊熱唔透,讓波就唔係太有信心,揀個尼卡沙「讓球主勝」,暫時有1.8倍。

至於FC馬薩特蘭對克雷塔羅,同樣睇好主隊。馬薩特蘭今個月初曾經錄得2連敗,但要明白當時遇到係1哥CF阿美利加以及第3位堤格雷斯,FC馬薩特蘭於上述2場都只以1球差距落敗絕對有交代,亦都無需太過介懷。

實在FC馬薩特蘭最近對住同級對手阿特拿斯,作客照贏3比1,足見呢班波狀態唔曳。憑主場之利,相信可以輕取同屬中下游分子克雷塔羅,主勝有接近2倍抵玩。

熱刺 入球細(2.5球) 2.05倍
尼卡沙 讓球主勝[+1] 1.8倍
FC馬薩特蘭 主勝 2.04倍
3串1 = 7.52倍