今晚深夜歐聯，有幾場波都成為大家焦點，哥本哈根對曼聯係有話題性，不過絕非理想出擊場合，因為曼聯整體戰力雖與盤口不成正比，係一個唔錯嘅長反對象，不過呢班波硬係有啲運，今場滾入一球贏半格盤絕對唔奇，都係睇好過買。
如果要揀一場歐聯嚟玩，筆者會揀阿仙奴。佢哋之前兩場敗仗都係作客，今晚回師無敵主場對西維爾，尼基迪亞、馬天尼利同薩卡呢啲快馬，有機會恰死速度下降嘅捷西斯拿華斯同沙治奧拉莫斯，主讓球半兩係信心表現，可以一試。
不過講到底，筆者重心暫時都係早餐波。星期四朝早美洲區賽，北美洲美職、中美洲墨超反南美洲巴甲都有得玩。首先講朝早8點開波賽事，美職新英倫革命主場對費城聯。
現時美職季後賽打到去16強，首回合費城聯作客贏3比1，今次輪到新英倫革命返主場比賽，成個形勢就唔同晒。事關雙方近期對碰都有個特色，就係主場例贏，情況已維持連續5場，當中包括熱身賽、常規賽以及盃賽。有良好往績加持，新英倫革命贏返場都好正路，平手盤揀「主隊」。
去到巴甲，法林明高主場對彭美拉斯。有留意開巴西波嘅朋友都知道，法林明高要爭前四，取南美自由盃分組賽入場券，至於彭美拉斯係今季爭標分子之一，同樣有搶分必要，估計雙方都唔會踢得太保持，入球偏高可預期。入球大細中位數2.5球「大」，有接近2倍。
最後墨超，蒙特雷主場對拿根亞。近期蒙特雷弗到爆燈，近6場比賽除咗對榜首CF阿美利加輸波，其餘5場贏晒。對手拿根亞向來演出反覆，作客賽績唔太靚仔。強弱分明場合，主隊讓半/一揀「上盤」。 文：King Sir
King Sir推介：
新英倫革命 平手盤 主隊
法林明高 2.5球 入球大
蒙特雷 主讓半/一 上盤
