【AllUpKing】曼城利記賠率露端倪;悉尼打吡 邊隊最好路?

尋日3串1全中,有唔少子彈,今日又可以玩餐飽。今日英超重頭戲,曼城主場對利物浦,將於夜晚8點半開波。King Sir向來覺得呢類賽事好睇好唔玩,但研究過各項賠率之後,發覺今場都幾有投資價值。

夏L鬥沙拿,今場入球大細盤口較為特別,中位數2.5球開「大」,最熱得1.46倍。至於中位數3.5球開「細」,就係次熱1.57倍。依從呢個方向推算,即今場可能會有3個入球。再睇埋總入球賠率方面,總入球「3」又係最熱果瓣,現為3.75倍。既然從賠率當中好似睇到多少端倪,咁就不如進取啲,揀個總入球「3」。反正有分頭,一試無妨。

未睇重頭戲之前,梗係要場波熱吓身。下晝4點45分,澳職有場FC悉尼對西悉尼流浪者。先講FC悉尼,開季頭3場聯賽全輸兼無入球,但上輪聯賽突然有驚喜,以5比1狂勝阿德萊德聯。如果以股票技術分析去形容,擺明係弱勢「後抽」,之後就會打回原形。若論穩打穩紮,一定係西悉尼流浪者,開季4場2勝2和未輸過。所以呢場悉尼打吡大戰,絕唔輸蝕畀主隊。話時話,近4次悉尼打吡戰都係作客一方勝出。依家西悉尼流浪者受讓平/半,必捧「下盤」。

去到星期日朝早美職賽事,FC辛辛那提主場對費城聯。呢場季後賽4強對碰線路單純,FC辛辛那提貴為常規賽成績最好球隊,仲有埋主場之利,爭勝條件充足。主W有1.77倍,相信可順利開出。

辛辛那提今季表現令人刮目相看。

King Sir推介
西悉尼流浪者 受讓平/半 下盤
曼城 總入球 3
FC辛辛那提 主客和 主勝