【AllUpKing】彭馬斯攻力曳 悶鬥綠木;祖雲達斯冇霸氣 小勝收工?

星期六凌晨冇乜大波,不過一樣有好路,凌晨3點45分,意甲蒙沙主場對祖雲達斯。凌晨4點,西甲拉斯彭馬斯主場鬥基達菲。King Sir刨過資料及飛數,覺得兩場賽事入波都未必會多。

先講蒙沙對祖雲達斯。祖記今年無得打歐洲賽,全副精神放晒落意甲,難怪被認定為奪標熱門之一。雖然話係爭標分子,但祖雲達斯踢落唔算好有霸氣。所指嘅唔係祖記成績差,而係好少見佢哋會大炒對手。事關主帥阿里基依然故我,以穩守為主調,無必要都唔會大舉進攻。戰術使然,今季祖雲達斯入球數字明顯偏低。單計作客,祖雲達斯入球數字仍處個位數,屬積分榜頭4位中最低。

蒙沙攻力亦相當一般,暫時踢咗13場聯賽,只係射入14球。既然雙方都唔係主攻型球隊,預料今場波都係一球起兩球止,入球大細中位數2.5球,就揀個「細盤」,執筆之時為1.68倍。

拉斯彭馬斯主場對基達菲,從數據上分析,預計都係一場悶戰。拉斯彭馬斯喺聯賽只得11個入球,與卡迪斯相同兼並列包尾。基達菲並唔係靠強攻搵食嘅球隊,而係以穩守突擊起家,所以球隊入波唔多,和局次數亦偏高。無論數據及踢法上嚟講,今場都不利於大手交易,入球大細中位數2/2.5球都係得1.58倍,操盤師都明刀明槍話晒畀你知咁滯。

King Sir推介
蒙沙 入球細(2.5球) 細
拉斯彭馬斯 入球細(2/2.5球) 細