【AllUpKing】墨爾本城飛來飛去堅蝕章;夏L鬥孫仔 一定好睇;拿玻里緣份到唔怕國米

澳職向來受球迷歡迎,一來開波時間幾夾香港,加上部份球隊有份打亞冠盃,大家對澳職球會有一定了解。周日下午繼續有澳職波,2點正紐卡素噴射機主場對墨爾本城。

首先睇睇盤口,今場墨爾本城作客讓平/半,King Sir就覺得讓唔起,宜揀主隊紐卡素噴射機。論班底論名氣,墨爾本城當然較高,但因今季要應付亞冠盃關係,球員耗力相對較大,對聯賽帶來負面影響。暫時墨爾本城於聯賽只得一勝,表現令人極之失望。

再睇墨爾本城近兩場賽事,11月25日先飛去新西蘭對威靈頓鳳凰,11月29日又飛去日本對甲府風林。上述兩場贏唔到都算,最慘係舟車勞頓狂燒球員精神同體能。相反紐卡素噴射機就坐定定等開波,體力一環隨時成為今場勝負關鍵。主隊以逸待勞,受讓平/半揀「下盤」。

星期一凌晨零時30分,英超曼城主場對熱刺。讓球盤方面都開得幾辣,曼城讓到球半/兩球。唔係話曼城唔勁,但話晒熱刺都係前列球隊,照計都得頂得兩腳。既然讓球盤唔太明朗,不如諗諗入球大細。今場中位數最低都要3.5球,以雙方近期入得又失得去推算,開「大」可能性較高。

講完上歐聯冠軍曼城,又講吓上屆歐聯亞軍國際米蘭。星期一凌晨藍黑兵團作客拿玻里。若果拿玻里仲係魯迪加西亞執教的話,King Sir會睇好國際米蘭。但上個月中拿玻里回聘馬沙利帶隊,球隊確實有改進。就算最近歐聯不敵皇馬,球員表現都唔係差,明顯畀到皇馬一定壓力。

查實馬沙利教咗咁耐波,成績最好都係以2009至2013年期間教拿玻里,曾為球隊贏過意盃冠軍以及取得意甲亞軍,而且勝出率仲接近5成。總之馬沙利就同拿玻里好有緣份,相信對住國際米蘭有好戲上演。今場開平手盤,「主隊」必捧。