歐洲主流聯賽都去到最後階段，唔少球隊都向目標進發。除咗爭標以及護級之外，歐洲賽席位亦都好重要。其中法甲球隊馬賽，正為來季歐聯席位而努力，爭勝決心十足。
法甲馬賽本周聯賽將作客羅連安特，執筆之時馬賽排第3，但因隨後嘅摩納哥逼得好緊，馬賽仍未確立來季歐聯資格，現階段有必要繼續搶分。再講，下周中榜首聖日耳門就對次席朗斯，若然朗斯輸波的話，馬賽隨時可爭上第2位。故此鬥志方面，會比位列中游嘅羅連安特強得多。留意到近期馬賽作客成績標青，近8場作客全部贏晒，相信佢哋有能力延續落去。今場馬賽作客讓一球，揀「上盤」。
葡超士砵亭作客AC卡薩比亞，現時士砵亭排行第4位，基於葡超頭3隊先可以踢歐聯，所以士砵亭未來日子一定要場場拼盡，希望可以趕過「三哥」布拉加。實在士砵亭今季於歐霸盃能夠淘汰阿仙奴，班波衰極有個譜。至於對手AC卡薩比亞排第8位，爭上前列機會極微，護級又有排都未輪到佢。反正都係里斯本球隊，話唔定讓路畀士砵亭。今場士砵亭作客讓一球/球半，捧「上盤」。
西甲馬德里體育會作客對華歷簡奴，表面睇落馬體會呢個「三哥」席位都算穩定，但都唔可以完全放軟手腳，任由主要競爭對手皇家蘇斯達或者維拉利爾逼近。其實馬體會近況都幾弗，連續4場贏波。馬德會作客讓半/一，都係要「上盤」。
