今個周中以盃賽為主，重頭戲當然係西班牙盃四強賽，次回合續演國家打吡，由巴塞隆拿主場對皇家馬德里。首回合巴塞憑皇馬擺烏龍，作客以一球小勝，今次輪到巴塞返主場，優勢依然存在。主隊讓平半高水揀「上盤」。
巴塞隆拿於歐洲賽事表現麻麻，先後於歐聯以及歐霸盃出局。故此西甲聯賽以及西班牙盃，好自然成為巴塞捧盃目標，論鬥志一定十足十。當中一個數據好值得提出，就係2023年已經上演過3次西班牙國家打吡，而巴塞隆拿全部贏晒，淨係信心呢都一點都值得捧佢哋場。
另外意大利盃四強首回合，克雷莫納對費倫天拿。前者於意甲排最尾，質素有幾差唔使多講。相反，費倫天拿近期越戰越勇，於各項賽事已累積8連勝，當中包括3月份意甲聯賽，作客以2球淨勝今場對手克羅莫納。強弱懸殊場合，費倫天拿讓半一都揀「上盤」。
英超方面都有好嘢，韋斯咸主場對紐卡素。唔經唔覺，紐卡素已經殺到上聯賽第3位，近期成功砌低曼聯、森林以及狼隊，睇怕韋斯咸都擋唔住。紐卡素讓平半同樣要「上盤」。
King Sir 3×1推介
巴塞隆拿（上盤）
費倫天拿（上盤）
紐卡素（上盤）
