上期King Sir畀3隻全部中晒，本周賽事希望食住個勢繼續中落去。今次揀嘅比賽全部都喺星期日凌晨舉行行，頭關先講意甲拖連奴主場對拉素。
拖連奴於聯賽開鑼首場比賽，作客以2比1贏蒙沙。話就話贏波，但考慮到對手只係升班馬，支持力度唔多足夠。至於陣容方面，陣中主力守衛比馬已經畀祖記撬走，而前鋒比洛迪又話要去羅馬所以唔肯續約，計實力點都有影響，就算有主場都難搞。拉素唔係話超勁，但起碼穩定穩紮三線都好平均。就揀個拉素贏波，「客勝」超過2倍好值博。
較後時間仲有場國際米蘭主場對史柏斯亞，今季國米最大亮點係盧卡古回歸，衝撞型前鋒唔係個個頂得順，有埋主場就更惡。史柏斯亞之前從尼日利亞簽咗幾個未夠秤球員，畀人周到兼罰佢哋未來兩年無得買球員。雖然從A米借到小馬甸尼以及由阿特蘭大借入高華蘭高，但實際幫助唔大。深信國米呢舖可以大炒對手，要「上盤」。
尾關葡超大戰波圖主場對士砵亭，雙方都係葡國班霸，實力唔會差太遠。加上近幾次對賽和波居多，士砵亭受讓有多少著數，「下盤」高水抵玩。
