歐洲大戰之前，周二凌晨都有幾場波仔玩吓。其中英冠榜首般尼將於主場對次席錫菲聯。般尼近排就威水啦，由前曼城球員甘賓尼帶領之下，提早獲得升上英超資格。既然已完成任務，相信無必要踢得太戰術性，一於放開心情享受比賽，隨時會同錫菲聯大手交易。
開波之前，首先祝甘賓尼生日快樂。般尼今季成績好，入球能力當然有返咁上下，於39場聯取得76球，平均每場入1.9個，其中英國23歲小將彌敦泰拿係球隊進攻重心。呢個修咸頓借將，季內已射入17個聯賽入球，有佢在陣中對球隊爭取「士哥」必有幫助。錫菲聯近況都幾好，連同盃賽及聯賽已4連勝，狀態咁弗一樣有能力撕破主隊大門。大細中位數2.5球，捧「大盤」。
另外，西甲榜首巴塞隆拿主場對基羅納，巴塞最近於西班牙盃狂吞皇馬4蛋，賽果都幾令人驚訝。但返到聯賽相信唔會咁失威。對手基羅納依家都無嘢好爭，加上實力遠不及主隊，隨時畀巴塞大炒。今場大細起平都要3.5，睇嚟操盤手都feel到實力懸殊入球唔會少，照捧「大盤」。
