法甲周日凌晨3點正，榜首巴黎聖日耳門作客尼斯。最近聖日耳門走勢唔係咁好，連續兩場聯賽輸波跌晒6分。不過依家積分咬得好緊，聖日耳門點都唔敢再Hea，要打返場爭氣波。今場聖日耳門「客勝」有1.71倍，可以博吓。
基於法甲爭標分子之一朗斯，剛啱就贏咗斯特拉斯堡，因此朗斯於踢多場情況下，與聖日耳門差距拉近至3分。既然危機已經呈現，聖日耳門班球星自然會踢得積極啲，以保持榜首地位。值得一提，聖日耳門今季未曾於法甲連續3場失分，相信今次好有機會反彈。
另外早少少開波，周日凌晨2時45分有意甲賽事，拉素主場對祖雲達斯。據賽前消息指，祖雲達斯前鋒費達列高基艾沙以及普巴都已經康復，隨時可以候命出擊。客隊既然有後備武器可用，呢場平手盤睇好高水嘅祖雲達斯。
葡超布拉加主場對艾斯杜尼，前者排聯賽第3位，力爭歐聯入券要繼續搶分。艾斯杜尼位處下游，但距離降班區有6分，爭勝動力未必太大。今場布拉加讓一球/球半，正頭正路選擇上盤。
