2023年南美自由盃分組賽，已經進行過部份賽事，而其中一支爭標熱門巴西明尼路，將於主場對巴拉圭球隊利伯泰迪。巴甲球隊質素點都係秤高多少，而且陣中不乏進攻好手，相信可以於首場分組賽頭威頭勢。明尼路讓一球，揀「上盤」。
基於新季巴甲過埋復活節先開始，所以明尼路現時可全心全意踢好南美自由盃。而前段提及過明尼路陣容唔錯，一定要講吓前鋒侯克。由日本、俄羅斯、葡萄牙甚至中國都去過，經驗相當之豐富。雖然佢已經36歲，但返到南美賽場就夠用有凸。
另外前利華古遜保連奴都要留意，連同南美自由盃外圍賽，保連奴已經取得4個入球，暫於射手榜首位。今年佢以外借身份返巴西明尼路比賽，想話重返歐洲就梗係要博盡爭取表現啦。對手利伯泰迪於巴拉圭也文也武，近績睇落都幾亮麗。但遇到巴甲球隊，利伯泰迪應該惡唔出樣。
其他場次方面，阿根廷球隊颶風隊對巴拉圭瓜蘭尼，睇盤就一定揀「主勝」。颶風近況差到痺，近4場全部輸晒。但贏波賠率依然熱到爆，數字闡明雙方實力有差距。至於智利球隊馬加蘭斯主場對保地花高，兩隊近期都有唔少入球，預期會係鬥攻場合，入球「大」可考慮。
