星期五凌晨有超多場歐洲賽舉行，King Sir就揀3場整條過關畀大家參考吓。
頭關先揀歐霸盃賽事，費倫巴治主場對奧地利維也納。首回合費倫巴治以2比0擊敗對手，土耳其班霸果然有料到。實在費倫巴治由8月份計起，無論歐洲賽抑或本土聯賽都未輸過，包括最近以4比2於土超擊敗阿丹拿迪米希，證明攻力有幾強。雖然費倫巴治領先對手兩粒，但相信喺主出擊唔會勒住踢，一於進取多少捧「讓球主勝」。
另外歐協聯賽事，荷甲川迪主場對費倫天拿，首回合費倫天拿就以2比1勝出，成功終止川迪於8月份寫下的連勝紀錄，亦說明川迪之前頻頻贏波只係虛火，面對稍有名氣嘅費倫天拿即見底，就算有主場之利都唔見得有好大優勢，揀個「客勝」。
繼續歐協聯賽事，丹麥球隊域堡主場對韋斯咸。相信好多球迷都知，韋達咸喺英超踢3場全部輸晒兼仲未有入球，近績方面的確唔靚仔。但丹麥球隊質素有限，加上域堡喺自己聯賽亦唔係特別標青。兩隊秤過度過，照計韋斯咸可以兩個回合雙殺對手，又係選「客勝」。
