英格蘭足總盃決賽，首次上演「曼市打吡」！昨晚4強大戰，白禮頓與曼聯激戰120分鐘仍交白卷，最後曼聯於互射12碼階段勝出、成功闖入決賽，6月3日於溫布萊球場強戰曼城。
曼聯已有聯賽盃在手，而曼城則力爭成就三冠王霸業，加上兩軍的同市宿敵背景、今季曼聯於聯賽擊敗曼城的爭議，絕對令這場史上第一次出現的決賽戲碼，更具話題性。
今場白禮頓控球時間較多，但曼聯一條超殘防線發揮出水準，尤其右閘雲比沙卡再一次力證攔截王地位，今場2次攔截、地面爭波6次，成功率皆為100%。
Opta統計，由2017/18球季開始，雲比沙卡571次攔截，成功率78.6%，是歐洲5大聯賽攔截成功率最高球員，而今季英超30次攔截25次成功(83.3%)，數據同樣冠絕英超，難怪令「扭波博士」三笘薰「無啖好食」，今場3次嘗試過人，皆失敗告終。
今場白禮頓射門次數15次，曼聯14次，但兩軍門將迪基亞及羅拔山齊士皆表現平穩，致雙方皆未能取得入球，要互射12碼分高下。
白禮頓與曼聯頭6輪全部射入，去到第7輪，今仗表現不俗的蘇利馬治一射沖天，曼聯連迪路夫則成功命中，帶領曼聯第21次殺入足總盃決賽，追平阿仙奴紀錄。
不過，曼聯要擊敗曼城絕非易事，除了雙方的戰力差距，更在於曼城領隊哥迪奧拿是本土盃賽王。2009年開始，哥帥10次領軍殺入本土盃賽決賽，9次成為最終王者，唯一一次例外，是2011年西班牙盃決賽不敵皇馬，對手是摩連奴。
