今日咁多場賽事，都有唔少值得出擊嘅場合，啱心水嘅不妨玩過關、以小博大，而英超單頭方面，筆者最睇好水晶宮。（開賽時間：周六晚10:00）
水晶宮頭兩場只得1分，但絕對情有可原，開鑼戰雖不敵阿仙奴0:2，但其實成場波拉成均勢，水晶宮嘅xg（expected goal）有1.21，僅比阿仙奴1.44為低；到上場作客利物浦，除咗見到水晶宮嘅反擊極為煞食，就連防守都比開鑼戰更緊密，最終1:1絕對係合理戰果。
唔好忘記一點，水晶宮係季前備戰最差嘅一隊，原因係佢哋陣中有多人冇打(金十)，包括主力韋費特沙夏，所以季前出國集訓，佢哋有多名球員缺席，經過兩場賽事，相信佢哋嘅狀態會越嚟越好。
對手維拉開季2戰1勝1負，上場主戰愛華頓贏係好合理，但開咧戰輸畀般尼茅夫0:2，全場xg只得0.49，令筆者對佢哋好有保留。平手盤水晶宮低水，應該可以坐走望贏。
