夏蘭特今季加盟曼城後一鳴驚人，奠定神級中鋒地位；還有拉舒福特今季大爆發、沙拿撐起跌Watt利物浦等等……但原來係假象？
夏蘭特目前於聯賽已斬獲30球，遙遙領先射手榜，捧金靴只是時間問題，但日前英超有個官方數據統計，係關於錯失重大機會嘅球員，榜首係夏蘭特，浪費機會達20次。
至於第二名嘅紐尼斯為18次，相信都係眾望所歸。反而較意外嘅係並列第3位嘅拉舒福特，福爺今季脫胎換骨，但原來浪費黃金餐士都有16次。
同為16次嘅尚有利物浦王牌沙拿，佢加埋紐尼斯，足足浪費咗34次黃金機會，如果呢34次入咁一半，利物浦排名當然唔會咁低。至於另一位第3名係賓福特嘅艾雲東尼。
今季英超錯失黃金機會top10：
1.夏蘭特（曼城）：20次
2.紐尼斯（利物浦）：18次
3.拉舒福特（曼聯）：16次
3.沙拿（利物浦）：16次
3.艾雲東尼（賓福特）：16次
6.屈堅斯（維拉）：15次
7.加比爾捷西斯（阿仙奴）：14次
8.夏維斯（車路士）：13次
9.哥林威爾遜（紐卡素）：11次
10.查阿當斯（修咸頓）：10次
