'

【英超】真正強勢回歸!維拉主場3:1挫曼聯 艾美利首仗即破紀錄 谷起「新謝拉特」

艾美利KO坦哈格!上任第一場,艾美利發揮強大新帥效應,阿士東維拉打出今季代表作,主場3:1完勝曼聯。年輕中場積及藍斯展示「新謝拉特」潛質,令曼聯星級中場黯然失色。

兩大名帥鬥法。

曼聯近期走勢大好,自10月2號輸畀曼城後,連歐霸近9仗7勝2和,C朗自停賽事件後獲解凍,連續4場做正選,更首次被坦哈格指派出任隊長;荷蘭中場雲迪碧克罕有做正選,代替般奴費南迪斯。

艾美利重返英超,11月1日正式上任代替謝拉特,今仗維拉處子戰備受矚目,球員受新帥效應影響,踢得好有信心,有長有短,更於開波11分鐘內,出人意表地領先兩球。

里安拜尼7分鐘接應積及藍斯直傳,用速度壓過利辛度馬天尼斯,近門射成1:0;盧卡斯迪治尼11分鐘,直射超靚自由球擴大紀錄。曼聯之前8仗只失2球,估唔到今仗半場即追平數目。

曼聯瞓醒反攻,C朗近門頭槌,畀維拉龍門達米安馬天尼斯用腳擋出,去到45分鐘,終於由勞基梳爾禁區外射門,省中積及藍斯改變方向入網。

雖然追成較接近紀錄,但下半場只有4分鐘,維拉又藉一次精彩反撃,人少打人多下,由積及藍斯後上射成3:1。

積及藍斯21歲,被視為有機會做「新謝拉特」,喺謝拉特時代已開始受重用,今仗一傳一射成為贏波功臣,攻守都有水準,表現勝過卡斯米路、艾歷臣,喺艾美利手上,絕對有條件再上一層樓。

般奴費南迪斯、安東尼馬菲奧斯同時缺陣,對曼聯攻力有頗大影響,稍後換入馬迪爾、艾蘭加,實行絕地反擊;但維拉球員今場上晒身,頂得住曼聯攻勢有餘,保持3:1勝果完場。

艾美利失意阿仙奴,重返西甲後,為維拉利爾帶來歐霸盃。今次毅然再戰英超,地標戰的確為維拉帶來新面貌,帶領維拉近27年來,首次喺聯賽主場擊敗曼聯。世界盃開打、英超休戰前,維拉周中英聯盃會再戰曼聯,嚟緊周日則作客白禮頓。

謝拉特一手搵嚟嘅古天奴,今季表現差劣,早已退居後備,今次新帥登場,連後備名單都冇份,睇怕古仔喺維拉都係前途似咁。