摩連奴2016至2018年執教曼聯，雖然為曼聯贏過英格蘭聯賽盃同歐霸盃，但最後仍黯然落台。佢講過，幫曼聯取得英超亞軍，係佢執教生涯其中一項最偉大成就，因為外界唔了解背後發生過乜事。到依家，大部份曼迷已認為，領導層當時唔應該撐以普巴為首嘅一班球員、捨棄摩連奴。之後事實亦已證明，邊啲係搞屎棍、邊個係真心做事。
曼聯病入膏肓，再唔搵到適當處方、再拖耐啲，堅係隨時醫唔番，此時此刻，邊個最有資格開救命藥方？佢肯定係其中之一。
摩連奴2016至2018年執教曼聯，雖然為曼聯贏過英格蘭聯賽盃同歐霸盃，但最後仍黯然落台。佢講過，幫曼聯取得英超亞軍，係佢執教生涯其中一項最偉大成就，因為外界唔了解背後發生過乜事。到依家，大部份曼迷已認為，領導層當時唔應該撐以普巴為首嘅一班球員、捨棄摩連奴。之後事實亦已證明，邊啲係搞屎棍、邊個係真心做事。
大夫！點搞好呀？摩連奴一早把晒脈，佢話曼聯問題唔係炒領隊能夠解決。唔換領隊？可以換乜？買咗卡斯米路又如何？摩佬話：「我當時已經清楚，我離開唔會解決問題。好不幸，我一早已經知，依家我只能祝曼聯好運。」
正如摩連奴所講，解決核心問題，送走只會Cap水嘅格拉沙家族先係關鍵所在。Elon Musk早兩日發牙痕話收購曼聯，冇幾耐又話講笑，雖然彈出又彈入，但都證明曼聯情況的確引起咗富豪同財團注意。全世界知名品牌、極具商業價值，趁佢出事之時傾收購，價錢隨時可以再壓低啲。最新消息，英國首富格拉克利夫爵士有興趣，日內會同格拉沙家族接觸。
講番摩佬，千帆過盡，依家教羅馬，心態同以往相比已大不同：「當我去車路士時，我要贏；當我去國米，我要贏；當我去皇馬，我都係要贏。嚟到羅馬，我嘅目標已變為建立。我有時間，『有時間』呢件事對我嚟講好新鮮，因為之前從來冇人會畀時間我。以前教嘅球會，都係要求我贏錦標，如果贏唔到就要走。」可惜喺曼聯，摩佬捧到盃都係要走。
