美斯大超班、3戰入5球！今早(3日)北美聯賽盃32強，美斯再入兩球靚波，帶領國際邁亞密主場以3比1擊敗奧蘭多城。
連同今仗，球王登陸美職後，3場都有士哥，合共轟入5球，展示其超班實力，令邁亞密由美斯加盟前、6場不勝的包尾大幡，變成豪取3連勝的北美聯16強份子。
除了美斯，今仗邁亞密的主角尚有其好友佐迪艾巴。該位前巴塞隆拿球星，今場於主場球迷面前首度拎波衫亮相，令全場氣氛熱爆。
比賽展開，美斯身上於開波7分鐘，就接應另一位好拍檔泰萊傳送，心口控定抽入。泰萊上仗錄得兩入球一助攻，與美斯相當合拍。
及後奧蘭多城追成平手，奧城的硬朗踢法更一度令美斯大動肝火，從後攔截食黃牌，半場1比1返更衣室。
換邊後5分鐘，前鋒祖斯夫馬天尼斯自導自演轟入12碼，國際邁亞密再度領先。64分鐘，佐迪艾巴終於登場，配合美斯、布斯基斯，重現昔日巴塞黃金三線組合。
71分鐘，美斯再接應祖斯夫馬天尼斯傳中，第一時間窩利得手，個人梅開二度，國際邁亞密成功殺入北美聯賽盃16強。美斯上次入波慶祝後扮雷神，今次則致敬黑豹。
賽後祖斯夫馬天尼斯接受Apple TV訪問，指隊長美斯主動讓射12碼：「我當時問佢射唔射，佢好淡然咁話No，You take it.」
