目前全球人工最高嘅，係效力沙特艾納斯嘅C朗，年薪高達兩億歐元，錢多到用唔晒，當然要upgrade吓啲奢侈品。
西班牙媒體Notícias ao Minuto報導，C朗決定買一架新嘅私人飛機，型號為G650，造價大概係6000萬歐元，可以有19人同時乘搭，比佢依家嗰部G200私人飛機大好多，搭載人數多出一倍。
有入自然有出，C朗亦打算放售佢舊嗰部G200，呢架飛機係佢喺2015年踢皇馬嗰陣用2000萬歐元買，13年前已經停產，係絕版貨嚟。
呢啲天價飛機，想搵買家接貨都要一段時間，不過C朗放售冇耐，好快就有客打算上門，呢位買家，就係大家都熟悉嘅C朗粉絲麥巴比喇。
麥總依家喺PSG緊1億歐元年薪，買架飛機當然唔成問題。但係由於C朗架G200已經用咗接近8年，所以有指C朗打算以正價5或6折割愛，其實都冇乜所謂啦，麥總大把貨，估計都係旨在幫偶像接貨啫。
