歐洲各支巨型班終於可以鬆口氣！沙特阿拉伯超級聯賽夏季轉會窗喺尋日周關閉，最終利物浦頂得住誘惑，堅持唔放沙拿，暫時唔駛怕再被搶人才。
沙特聯為咗要升呢成世界第5大聯賽，今個轉會窗陷入瘋狂揼水狀態，尤其4間有國家背景嘅球會，不斷用銀彈向歐洲大會展開挖角行動。當中伊蒂哈德同伊蒂法克於死線前，力斟沙拿同查頓辛祖兩大英超球星，雖然得唔到利物浦及曼聯放人，但真係有十足誠意。
埋單計數，今個夏天沙特球會大約用咗7.8億英鎊，亦即大約78億港元嚟買球員，78億收購當中，超過8成係來自沙特主權財富基金控制嘅4大球會，亦即希拉爾、艾納斯、伊蒂哈德同吉達艾阿里。
希拉爾已經砌掂成隊波，分別有尼馬、阿歷山大米祖域、魯賓尼維斯等球星孭飛，一隊就使咗超過3億鎊，係沙特聯燒錢最多嘅球會。
冇國家背景嘅伊蒂法克，都撬走咗名帥謝拉特，仲有買埋佐敦軒達臣，喺辛祖同坦克公開罵戰後，伊蒂法克亦出手試水溫，想用先借後買方式撬辛祖，可惜最終未能成事，最後退而求其次，用800萬鎊成功收購愛華頓翼鋒迪馬雷格雷。
至於喺歐洲轉會窗關閉後最大粒花生嘅，當然係伊蒂哈德用癲價2億鎊收購沙拿。面對咁大誘惑，利物浦最終都企硬唔放人。查實伊蒂哈德已經買咗賓施馬，但表現麻麻，所以先想臨門再加碼買多位巨星。伊蒂哈德真係好想要法老王，預計明年1月冬季轉會窗會再次出手，畀利物浦多幾個月時間去準備接班人同觀察，到時成事機會會相對提高。
●沙特聯今夏已收購名單
希拉爾：
🇧🇷 尼馬(巴黎聖日耳門)
🇷🇸 米祖域(富咸)
🇷🇸 米連高域沙域(拉素)
🇸🇳 高列巴尼(車路士)
🇵🇹 魯賓尼維斯(狠隊)
🇧🇷 馬爾甘(辛尼特)
🇲🇦 耶辛尼保奴(西維爾)
吉達艾阿里：
🇧🇷 法明奴(利物浦)
🇩🇿 馬列斯(曼城)
🇨🇮 基斯爾(巴塞隆拿)
🇪🇸 加比爾維加(切爾達)
🇸🇳 艾度亞文迪(車路士)
🇫🇷 麥斯明(紐卡素)
🇧🇷 羅渣伊巴尼斯(羅馬)
🇹🇷 迪馬爾(阿特蘭大)
伊蒂哈德：
🇫🇷 賓施馬(皇家馬德里)
🇫🇷 簡迪(車路士)
🇧🇷 法賓奴(利物浦)
🇵🇹 祖達(些路迪)
艾納斯：
🇪🇸 拿樸迪(曼城)
🇭🇷 波索域(國際米蘭)
🇸🇳 文尼(利物浦)
🇧🇷 迪尼斯(曼聯)
🇧🇷 奧達維奧(波圖)
🇨🇮 施高科芬拿(朗斯)
伊蒂法克：
🏴 佐敦軒達臣(利物浦)
🇳🇱 韋拿杜姆(巴黎聖日耳門)
🇯🇲 迪馬雷格雷(愛華頓)
🇫🇷 穆沙迪比利(里昂)
艾沙比：
🇧🇪卡拉斯高(馬德里體育會)
🇲🇦 羅美安沙斯(比錫達斯)
最貴頭10位
1️⃣ 尼馬 — 希拉爾●€90m
2️⃣ 奧達維奧 — 艾納斯●€60m
3️⃣ 馬爾甘 — 希拉爾●€60m
4️⃣ 魯賓尼維斯 — 希拉爾●€55m
5️⃣ 米祖域 — 希拉爾●€52m
6️⃣ 法賓奴 — 伊蒂法克●€46m
7️⃣ 米連高域沙域 — 希拉爾●€40m
8️⃣ 加比爾維加 — 吉達艾阿里●€36m
9️⃣ 馬列斯 — 吉達艾阿里●€35m
🔟 沙迪奧文尼 — 艾納斯●€30m
