夏季轉會窗曲終人散，喺死線日完成嘅交易都相當多，當中除咗格連活特外借基達菲較令人意外，其餘大部份都係一直進行緊、又或者係傳咗好耐嘅交易。
大贏家可以話係曼聯，佢哋對個別位置針對性增兵，利古朗填補梳爾受傷空缺，而安拉拔則補充中場力量，兩件都係借用，唔啱使大可以好似舊年韋格賀斯、沙比薩咁退貨。
同樣係借用達人嘅仲有西甲班霸巴塞，一借仲要借兩件葡萄牙國腳級人馬，簡些路、菲歷斯分別得罪哥迪奧拿同施蒙尼先冇得踢，根本就仲係好打得。
另外值得一提嘅係森林，佢哋用賣走拜倫莊臣嗰47.5M，用嚟大事增兵，包括借用奧歷治、羅致赫臣奧杜爾呢啲英超經驗戰將，但突然咁大改動，是福是禍，真係要到季尾先知喇。
英超：
安拉拔(中場)●借用 費倫天拿➡️曼聯
利古朗(後衛)●借用 熱刺➡️曼聯
Altay Bayindir(門將) ●4.2M 費倫巴治➡️曼聯
莊尼伊雲斯(後衛)● 自由身➡️曼聯
拜倫莊臣(翼鋒)●47.5M 森林➡️熱刺
加雲貝治(中場)●37.5M 拜仁➡️利物浦
馬菲奧斯紐尼斯(中場)●53M 狼隊➡️曼城
高爾彭馬(翼鋒)●42.5M 曼城➡️車路士
Ibrahima Sangare(翼鋒)●30M PSV➡️森林
Omobamidele(後衛)●11M 諾域治➡️森林
泰華利斯(後衛)●借用 阿仙奴➡️森林
Vlachodimos(門將) ●7.7M 賓菲加➡️森林
赫臣奧杜爾(翼鋒)●5M 車路士➡️森林
奧歷治(前鋒)●借用 AC米蘭➡️森林
尼高杜明高斯(中場)●10M 博洛尼亞➡️森林
洛賀丁(後衛)●3.5M 阿仙奴➡️水晶宮
安素法迪(翼鋒)●借用 巴塞隆拿➡️白禮頓
盧干加(中場)●借用 阿仙奴➡️盧頓
朗格勒(後衛)●借用 巴塞隆拿➡️維拉
馬奧比(前鋒)●借用 愛華頓➡️賓福特
西甲
祖奧簡些路(後衛)●借用 曼城➡️巴塞隆拿
祖奧菲歷斯(前鋒)●借用 馬體會➡️巴塞隆拿
祖拉度(後衛)●免費 曼聯➡️愛斯賓奴
耶梅卓克(前鋒)●借用 布魯日➡️華倫西亞
格連活特(前鋒)●借用 曼聯➡️基達菲
艾力加西亞(後衛)●借用 巴塞隆拿➡️基羅納
奧迪奧蘇拿(中場)●借用 皇馬➡️皇家蘇斯達
意甲
杜雲薩柏達(前鋒)●借用 阿特蘭大➡️拖連奴
盧卡祖域(前鋒)●免費 費倫天拿➡️AC米蘭
德甲
邦路斯(後衛)●免費 祖雲達斯➡️柏林聯
坦根加(中場)●免費 熱刺➡️奧格斯堡
法甲
高路梅安尼(前鋒)●77M 法蘭克福➡️PSG
