歐霸盃8強賽首回合開打，周五凌晨最早開波係飛燕諾主場對羅馬(周五凌晨00:45)。羅馬今季捧盃希望就係歐霸盃，領隊摩連奴都講明會全力打好呢項賽事，論鬥志可能比聯賽更高。相信大家記得，上季摩佬就曾經帶領隊贏得歐洲協會聯賽盃，可見羅馬對有盃捧呢件事睇得幾重。依家羅馬受讓平/半，下盤諗得過。
去到凌晨3時正，祖雲達斯將於主場對士砵亭。睇完歐聯賓菲加輸畀國際米蘭，確實要對葡萄牙球隊重新審視，佢哋出到大舞台就走樣，難免令人信心不足。雖知道賓菲加已經係當地榜首，今季聯賽脫離頭三位嘅士砵亭，實力可能更低。祖雲達斯扣咗15分，要靠聯賽攞歐聯資格唔易。贏歐霸盃會係其中一個方案。今場祖雲達斯讓半/一，睇好上盤。
至於歐霸盃奪標大熱曼聯，首回合主場對西維爾。近期「紅魔鬼」已連贏兩場，球員狀態都幾好。縱然西維爾踢歐霸盃特別醒神，但遇到曼聯就難免顯得弱勢。曼聯讓到一球/球半，都揀上盤。
