今季意甲遙遙落後，AC米蘭已無衞冕機會，世界盃後更呈崩潰之勢，不過伊巴謙莫域全面復操後，球隊狀態及士氣堅係回升，上仗就以1比0小勝拖連奴，重返勝軌後，今場亦以同樣比數擊敗熱刺。
A米發揮出色，特別係左路，迪奧靴南迪斯、拉菲爾利亞奧輪流施襲，發揮好大威脅。開波只有7分鐘，迪奧靴南迪斯突入禁區，窄位起腳被閂出，巴謙戴亞斯即時撞射被救出，之後佢仲補中頂成1比0。
熱刺冇咗三大主力，賀積查治、賓坦古亞、比蘇馬分別因停賽及受傷缺陣，實力大受影響，作客只輸一球，都算有晒交代，次回合返到主場，就睇哈利卡尼、孫興民等人發揮，力爭反先晉級。
AC米蘭其實大有機會增添紀錄，兩次黃金餐士均未能把握，基迪拿尼、馬歷泰奧都係面前幾碼頂唔中目標，是但入多球，整個形勢已大有不同。
熱刺執番身彩，意大利籍領隊干地對次回合收復失地仍然非常樂觀，特別係有中場核心賀積查治復出，攻守實力均大為增強。
干地表示：「比賽係兩回合，我當然知道作客聖西路有幾難，但我哋總算捱過，但次回合（3月9號）返到主場，熱刺球迷亦必定會熱情投入，幫助我哋晉級8強。」
【歐聯】AC米蘭放虎歸山！熱刺作客只輸一粒 中場核心次回合復出 有條件反勝晉級？
AC米蘭近期狀態回升，今場更踢出超高水準，可惜錯失多個入波良機之下，16強首回合主場只以1比0小勝熱刺，真正放虎歸山，後患無窮。
今季意甲遙遙落後，AC米蘭已無衞冕機會，世界盃後更呈崩潰之勢，不過伊巴謙莫域全面復操後，球隊狀態及士氣堅係回升，上仗就以1比0小勝拖連奴，重返勝軌後，今場亦以同樣比數擊敗熱刺。
A米發揮出色，特別係左路，迪奧靴南迪斯、拉菲爾利亞奧輪流施襲，發揮好大威脅。開波只有7分鐘，迪奧靴南迪斯突入禁區，窄位起腳被閂出，巴謙戴亞斯即時撞射被救出，之後佢仲補中頂成1比0。
熱刺冇咗三大主力，賀積查治、賓坦古亞、比蘇馬分別因停賽及受傷缺陣，實力大受影響，作客只輸一球，都算有晒交代，次回合返到主場，就睇哈利卡尼、孫興民等人發揮，力爭反先晉級。
AC米蘭其實大有機會增添紀錄，兩次黃金餐士均未能把握，基迪拿尼、馬歷泰奧都係面前幾碼頂唔中目標，是但入多球，整個形勢已大有不同。
熱刺執番身彩，意大利籍領隊干地對次回合收復失地仍然非常樂觀，特別係有中場核心賀積查治復出，攻守實力均大為增強。
干地表示：「比賽係兩回合，我當然知道作客聖西路有幾難，但我哋總算捱過，但次回合（3月9號）返到主場，熱刺球迷亦必定會熱情投入，幫助我哋晉級8強。」
