歐聯8強周三凌晨3點正式展開角逐，首回合曼城先於主場對拜仁慕尼黑，另外葡超賓菲加主場鬥國際米蘭。計賽績兩支主隊都較為理想，值得優先考慮。
先講曼城對拜仁慕尼黑，近排曼城超喪，連同盃賽及聯賽已累積8連勝。特別要留意近4場比賽，曼城合計取得21粒入球，前鋒夏蘭特猶如開外掛，要擋佢都唔容易。
相比之下，拜仁就弱少少，近兩場分別於盃賽及聯賽面對弗賴堡，表現都唔算標青，嚴格計都踢得幾辛苦。今次仲要作客對住大勇嘅曼城，拜仁難免會睇淡多少。今場曼城讓一球，捧「上盤」。
至於賓菲加主場對國際米蘭，主隊可秤高多少。話就話剛啱輸畀國內競爭對手波圖，但其實賓菲加於聯賽領先優勢頗大，爭分逼切性唔大，直接啲講即係輸得起。若果撇除剛賽敗績，賓菲加於2023年未輸過兼贏多和少。
國際米蘭近期好似谷極都谷唔起，剛啱對住意甲下游球隊沙蘭力坦拿都失分。始終球隊受到財政問題影響，前景未明之下球員演出總有多少反覆。今場賓菲加讓平半，捧「上盤」。
