經過周三凌晨賽事，今個國際賽期已經完結，英格蘭成為最新一支晉身決賽周的球隊，但衛冕冠軍意大利及世界盃季軍克羅地亞，目前皆處於不利形勢，有機會踢附加賽、甚或緣盡決賽周……
英格蘭以3:1反勝意大利，於溫布萊球場敲響勝鼓，報仇之餘更鎖定決賽周資格。連同英軍，目前已經有9隊晉身決賽周，大部份都是大家熟悉的勁旅，依英文字母排列，計為東道主德國、奧地利、比利時、英格蘭 、法國、葡萄牙、蘇格蘭、西班牙及土耳其。
上屆歐國盃盟主意大利，今夏遭巨變，文仙尼被沙特撬走，由史巴列堤頂上執教，然後兩位中場主力東拿利、辛尼奧路涉賭停賽，再遭英格蘭雙殺，如今在C組落後次席烏克蘭3分但少賽1場，形勢不妙。
意大利餘下賽程，先於下月17日主場對北馬其頓，如果贏波，就可追至與烏克蘭同分，之後3天就與烏克蘭直接對決，上演「入場券決賽」。同時，由於意大利於歐國聯A3組奪冠，早已穩奪附加賽資格，不過意大利近年在大賽附加賽多番失利，包括於年頭世界盃附加賽不敵北馬其頓，心理陰影面積不知有多大，所以最理想當然是直接進入決賽周。
至於世界盃季軍克羅地亞，在D組作客以1:2不敵威爾斯後，爭取直接晉級大大受挫，球隊與威爾斯同樣6戰10分，排第4阿美尼亞亦只落後3分，3隊只能活一隊，但與意大利一樣，格仔兵團即使未能奪得前2，但亦有附加賽資格。
荷蘭B組與希臘同分，但少賽1場，荷蘭今周作客絕殺希臘相當關鍵，餘下主場對愛爾蘭及作客魚腩直布羅陀，只要發揮正常，次名資格應該穩陣，可以同已出線嘅法國攜手晉級。
