'

【意甲】比真歷條舊數未清 巴塞送迪比去祖記

巴塞隆拿周身債就係人都知,唔想情況惡化就唯有放走部份球員,以減低財政負擔。就好似荷蘭前鋒迪比,上季加盟巴塞之後表現都唔錯,取得13個入球兼有2次助攻。不過利雲度夫斯基來投之後,迪比就被冷落,仲要讓出9號球衣,如是者就令迪比埋下離隊伏線。

而祖雲達斯對迪比好有興趣,已經同巴塞接洽。祖雲達斯就話巴塞以前買中場比真歷條數都未還清,不如就以球員當還債,送迪比去祖雲達斯當打平。巴塞對呢個建議都覺得OK,但原來巴塞又欠緊迪比薪金,希望祖雲達斯幫手頂咗佢。據意大利媒體所講,祖雲達斯高層話無問題,只希望盡快搞掂所有文件,趕及轉會窗閂閘之前帶迪比到意大利。