【意甲】我有我天地,基奧雲尼施蒙尼唔靠父幹

馬體會領隊施蒙尼梗係出名啦,而佢個27歲大仔基奧雲尼施蒙尼,亦都跟老豆一樣投身足球事業。而意甲拿玻里正式宣布,以先借後買形式,向維羅納引入前鋒基奧雲尼施蒙尼。借用費為350萬歐元,之後要全權收購費用為1200萬歐元。

其實基奧雲尼施蒙尼上季都幾弗,出場37次射入17球兼有6次助攻。7月份更有西班牙媒體報道,基奧雲尼施蒙尼可能會跟老豆去轉投馬體會。除咗話家庭關係之外,本身亦持有西班牙戶籍。不過佢最終都選擇係留在喺意大利,去到那不勒斯發展。

自從16/17年球季效力熱拿亞之後,基奧雲尼施蒙尼都踢過唔少球隊,包括費倫天拿、卡利亞里及維羅納,表現亦都好穩定。鑑於拿玻里早近都放售唔少前鋒,比如恩斯治尼、米歷克同埋馬頓斯,所以搵返個基奧雲尼施蒙尼補位都好正路。講開又講,上季被外借到里昂嘅中場尼當比利,將會由熱刺轉投拿玻里。剛啱已完成體測,仲揀埋91號球衣。