【意甲】天使的禮物!斑馬兵團大激活 3比0輕取薩斯索羅

【意甲】天使的禮物!斑馬兵團大激活-3比0輕取薩斯索羅

意甲爭標熱門之一祖雲達斯,剛於凌晨以3比0輕鬆搞掂薩斯索羅。今場波都有唔少亮點,除咗話梅開二度嘅拉賀域當弗之外,更值得一提係新加盟嘅「天使」迪馬利亞。3個入球當中,有2個都關佢事。

今場打正選嘅迪馬利亞,上半場26分鐘即顯功架。阿歷斯辛度左路選中,「天使」左腳窩利勁彈地波收死門將。去到43分鐘,祖雲達斯前鋒拉賀域博得12碼,佢親自主場中路成2比0。下半場仍然係主場祖雲達斯佔得上風,51分鐘,迪馬利亞助攻畀拉賀域,後者近門快射成3比0,比數亦維持到完場。補充一句,迪比利亞於66分鐘,因大腿內轉肌拉傷退場,據講問題不大,稍作休息即可。

賽後意大利媒體大讚迪馬利亞,能免費轉會到祖雲達斯簡直係天使的禮物。唔好忘記,斑馬兵團仲有前鋒費達歷高基艾沙以及法國中場普巴仍然養傷未落場。如果10月份兩位都可以復出,到時中前場嘅威脅大就更大。