今季奪意甲奪標熱門球隊國際米蘭，於第2輪比賽返主場贏得仲輕鬆，以3比0砌低史柏斯亞。「大隻西」盧卡古雖然未有入球，但佢喺前場擾敵牽制守衛，使到隊友有更多空位攻門，係贏波功臣之一。
就好似國米今場首個入球發生喺35分鐘，被對手嘜住嘅盧卡古，以頭錘二傳畀空晒嘅拿達路馬天尼斯，後者禁區頂撞射入網。去到52分鐘，盧卡古帶球於對手禁區引起一陣小混亂，皮球落喺查漢奴古身前，就咁一蹴而就至2比0。臨完場前8分鐘，迪斯高控球擺過對方門將，再橫傳畀祖亞昆哥利亞「埋齋」，國際米蘭3粒淨勝史柏斯亞。
另外，薩斯索羅主場對萊切，前者就憑10號仔比拿迪靚到爆嘅左腳窩利入球，以1比0小勝萊切。
