'

【世盃錦囊】荷蘭尾場遇大魚腩,開餐喇喂!

世界盃最後一輪分組賽,A組卡塔爾主場對荷蘭。睇過主辦國嘅表現,相信大家都清楚明白呢班波係乜料,既然卡塔爾已經出局,咁就好好享受埋今場比賽。荷蘭仲未100%出線,尾輪都要完成個簡單任務,砌低卡塔爾攞首名晉級。荷蘭無霸氣係事實,但對手實在太弱雞,博荷蘭大勝。現時荷蘭讓球半/兩球,揀「上盤」。

荷蘭於決賽周抽好籤係不爭事實,尾場仲要對住卡塔爾,真係掩住半邊咀笑。咁呢場部署好直接,就係贏波首名晉級,最好係大勝對手,谷吓球員士氣同信心,為16強做好準備。

卡塔爾完全唔夠班,交個波都亂晒籠,掟界外球都慌失失。真係唔知波底真係咁差,定係球員太過緊張。但點都好啦,大局已定就無謂再深究。今場對荷蘭就當上堂。

讓到球半/兩球係多啲,但卡塔爾連厄瓜多爾同塞內加爾都頂唔住,好難期望佢哋擋到荷蘭。唔想玩讓球的話,試吓首名入球,球員編號202嘅加普好弗,3.9倍值博。