世界盃16強賽事，英格蘭對塞內加爾。經過歐國盃之後，英格蘭於今屆世界盃真係成熟咗好多。球員少見錯誤決定，又唔會亂衝亂撞，好明顯係爭標分子。塞內加爾係唔曳，但遇著當銳嘅英格蘭，塞內加爾難免變得弱勢。英格蘭讓一球，揀上盤。(周一凌晨3點)
見有唔少媒體話，英格蘭隊長兼哈利簡尼仲未有入球，擔心球隊攻力問題。但以英格蘭於分組賽合計轟入9粒，攻擊力絕對唔差。
大隊長暫時無入波，但3個助攻闡明佢嘅重要性。反正英格蘭有咁多武器，使乜側重喺哈利簡尼身上。而據《英國電郵報》所講，今屆英格蘭捧世界盃的話，每個球員將有40萬英鎊獎金。有金錢刺激一下，對於英格蘭爭勝當然有幫助啦。
塞內加爾有唔少球員都喺英超搵食，質素唔會太差，於分組賽大家都見識過。但去到淘汰賽遇到英格蘭，對呢支非洲隊嚟講考驗都幾大。而領隊施斯病咗兩日，就連操練例課都缺席，可能對塞內加爾有多少影響。
另外效力愛華頓中場艾迪沙古爾停賽，而諾定咸森林古耶迪首輪對荷蘭時受傷，都依家都無法正常操練，對於塞內加爾都屬不利因素。
