話咁快去到分組賽第3輪賽事，全部安排於相同時間開波。今晚11點為A組對賽，其中厄瓜多爾主場對塞內加爾。前者和波取1分足夠晉級，但如果贏波就有少少可能搶到首名，16強避開B組有可能首名嘅英格蘭。而塞內加爾砌低厄瓜多爾就一定出線。雖然話打和都得，但要望同組荷蘭要大比數輸畀卡塔爾。
一聽到卡塔爾取勝，呢個條件好似仲難過自己贏波，咁塞內加爾就不如靠自己搶攻求勝。厄瓜多爾數字上可以死守，但如果唔小心輸一粒先，咪又係要攻返轉頭。形勢逼使到厄瓜多爾都唔能夠縮住踢。故此入球多可以預期，入球中位數2.5球捧「大」啱數。
厄瓜多爾踢過兩場一勝一和，表現絕對唔曳，特別係對荷蘭，雖然開賽僅6分鐘就落後，但憑無限拼勁成功追和，證明呢班波都係有一定質素，要於塞內加爾身上搵到入球唔難。
塞內加爾就唔使諗咁多，立定心腸搶攻求勝。贏唔贏到就未知，但形勢上一定要踢得積極進取。雙方都有入球爭勝必要，尤其大家預計咗同組荷蘭必大勝卡塔爾，「厄塞」大手交易唔出奇。
