繼續係世界盃16強賽事，今晚11點法國對波蘭。睇返雙方晉級過程，波蘭的確唔夠說服力，尤其尾輪以0比2不敵阿根廷，全場都畀唔到對手太大壓力。相反，法國輕輕鬆鬆連勝兩場提早出線，尾輪仲派出全後備落場，令主力成員有充足時間養休回氣，對於爭勝好有幫助。今場法國讓一球/球半，揀上盤。
講到波蘭，個個都只會諗起利雲杜夫斯基。查實踢過三輪分組賽，最堅球員係門將施捷斯尼，唔單止有多次美妙撲救，仲擋走兩次十二碼。今次對住強隊法國，相信又要靠佢頂住大門。事關今場波蘭極有可能「泊大巴」，前場只留射手利雲杜夫斯靜候機會，成班中後場球員都會集中防守，總之頂得幾耐得幾耐。希望守足百二分鐘，然後同法國互射十二碼定生死。
縱然波蘭打守勢波，但面對法國則未必奏效。實在法國首兩場分組賽對澳洲及丹麥，當中都曾經有好大段時間，法國要諗計解拆對手龜縮打法，而賽果說明呢招頂唔住法國。最關鍵係法國兩位邊鋒麥巴比同丹比利真係好煩，又快又扭得，你擋唔到幾多次。
值得一提，賽前只剩返14隊有得爭冠軍，而波蘭係最冷嗰隊150倍，而法國就係5.5倍。或者奪標賠率已反映出，雙方差距有幾大。
