世界盃32強D組，力圖衛冕嘅法國，首場賽事對澳洲。剛啱已爆咗場超級大冷門，就係沙特贏阿根廷。新鮮滾熱辣例子在前，我哋睇到，法國球員亦都睇到。相信呢支世界冠軍都唔想慘劇重演，一定搏到盡，贏到盡。今場法國讓到球半/兩球確係重手，但始終信任準球王麥巴比，揀上盤。(星期三凌晨3時)
法國賽前都有唔少傷兵，特別係賓施馬缺席更成為熱話。不過大球星受傷唔係世界末日，更何況法國最強前鋒麥巴比在陣，相信法國要爭取入球唔係困難。再講，前線仲有基士文、奧士文尼迪比利同埋豐富經驗嘅基奧特。法國進攻瓣數都多，入球力唔太唔擔心。
自從卡希爾退落之後，呢代澳洲真係無晒勁人。就算去歐洲搵食嘅中場曉魯斯迪(維羅納)以及艾倫莫利(些路迪)，喺球會表現都唔算特別標青。
有留意轉會新聞的話，都知澳洲18歲前鋒加蘭古爾，將於明年1月1日就係加盟英超紐卡素。或者佢真係好有質素，但未必對今場局勢有好顯著幫助。
