今晚輪到最後兩組上演尾輪分組賽，今晚11點為H組，南韓對已出線嘅葡萄牙，至於非洲加納就對南美烏拉圭。
南韓暫時得1分兼得失球-1，故此要贏葡萄牙之餘，仲要睇「加烏」賽果兼再計得失球。咁今場南韓思路好明確，就係搶攻。葡萄牙已晉級，尾輪收起主力唔奇，決心有疑點。南韓受讓半球/一球可揀下捧。
加納對烏拉圭，後者贏波仲要睇另一邊踢成點，然後再計得失球。相反，加納有3分在手，和波都有可能晉級，但要期望南韓失分。正所謂求人不如求自己，相信加納都會主動求勝以免夜長夢多，既然雙方都會攻，入球大細中位數2.5球，捧「大盤」。
去到星期六凌晨3點就到G組，已晉級巴西就會對喀麥隆，同時進行仲有塞爾維亞對瑞士。
先講巴西，人腳方面都預咗有變動，特別森巴兵團有好多出色進攻好手，落吓場當磨刀都好合理。反正輸都無所謂，今場咪自由發揮囉。喀麥隆得1分，尾輪必需進攻求勝，故入球大細中位數2.5球，選擇「大盤」。
塞爾維亞對瑞士，照秤塞國質素高少少，加上暫時只得1分，今場必定搶攻。既然開平手盤就捧塞爾維亞，暫為1.84倍。
