伊斯蘭國度規條多，中東國家卡塔爾都唔例外。無酒飲就梗架啦，足球博彩就更加唔使諗。而當地女士好多都包到成隻糭咁，睇靚女機會唔會多。
去過當地旅行嘅朋友，都知會收到通知，男同女出外時服裝皆需保持端莊，唔可以太暴露。游水要著泳衣麻煩留喺酒店泳池，以尊重當地法規。
不過，有人就話知你。今屆世界盃就有個克羅地亞模特兒Ivana Knoll，佢份人一向「好雙孔」，表示為求幫國家隊打氣，不惜喺卡塔爾街頭同球場等公眾場所大騷身材，更將靚相以短片分享到社交平台，以激發球員鬥志。
本來就無乜嘢，但係卡塔爾咁搞就麻煩嘞。事關已唔少人批評佢，對當地文化及規條零尊重，仲隨時「入冊」兼有生命威脅。據悉已有卡塔爾人因此報警，有激進分子仲話會用石頭擲死佢。
Ivana Knoll為國家隊付出咁多，星期一凌晨時克羅地亞對加拿大，克國球員就梗係要全取3分報答呢個艷模啦。其實近期畀人捧到上天嘅球隊，第2輪賽事都失利，最佳例子就一定係沙特阿拉伯。理由好簡單，就係對手唔敢睇少你。故此，克羅地亞一定唔輕視加拿大，勢必同佢大打真軍，尤其今場係晉級關鍵，克國勢必拼盡所有。讓球方面克羅地亞讓平/半，上盤揀得過。
