世界盃分組賽F組，比利時對加拿大。歐洲球隊比利時，相信唔使多介紹，皆因唔少球員都效力頂級球隊。來到世盃決賽周首場對住加拿大，覺得雙方實力差距都好大。比利時讓一球合理，上盤坐和望贏。
2018年世界盃比利時取得季軍，你話失望又得，你話驚喜又得。但有一點肯定係，呢班波好有競爭力。有點幾得意，就係比利時專恰弱隊。
3月對布基納法索，比利時大勝3比0。而去到6月對住波蘭，比利時狂勝6:1。而今次對住加拿大，情況就好相似。名氣唔大兼國際大賽無乜賽績，咁就啱晒比利時胃口。
加拿大於世界盃中北美洲外圍賽咁醒，能夠以首名晉級到決賽周，其中一個原因係陣中有好多非籍球員。無限體力兼有高速，喺中北美洲組別已經好夠用。但去到世界盃大舞台，可能就唔多夠做，起碼對住控球能力高嘅比利時，加拿大好難惡得出樣。
