2022年世界盃決賽，係歷史上首次於中東舉行，亦都係歷史上首於揀於年尾開波。而今屆總獎金亦都破晒舊紀錄，高達4.4億美元。最受關注當然係冠軍啦。今屆冠軍球隊可得到4200萬美元，若果計番港元的話就有成3億2760萬港元，可謂相當和味。
世界盃冠軍就只有一隊，咁其他點計先？未開波之前，國際足協先向32支球隊派150萬美元作為車馬費。如果踢完3場分組賽就出局都唔使太傷心，因為主辦單位都會派900萬美元安慰獎。至於去到16強及8強出局，分別獲得1300萬美元及1700萬美元。
入到4強的話，獎金幅度就大升。殿軍有2500萬美元，而季軍2700萬美元。若然決賽輸咗，都執返3000萬美元。仲有仲有，國際足協亦會為球會作出補貼，只要佢哋有球員出席世界盃，球會就每位球員最多可獲37萬美元，金額大約每人每日1萬美元，出得多補貼費越多，就算無落場齋做後備都有補貼。
就以為屆今例，德甲拜仁慕尼黑最多，總數有17球員去咗卡塔爾踢世界盃。另外英超曼城以及西甲巴塞隆拿就各派出16個。曼聯14個、皇馬13個、車路士12個。至於巴黎聖日耳門、祖雲達斯、熱刺等等，隊內都有11個球員出席世界盃。
