'

跑返草地 先係佢至愛

剛進行過1草8泥混合賽日,潘頓只憑「非凡魅力」於草地1400米上名,其他泥地賽次全部三甲不入。明嘅,佢鍾意跑草地多啲吖嘛!本周末賽事跑返全草地,呢位冠軍騎師有機會大爆發。事關當日唔少坐騎,都曾經喺佢跨下上名甚至勝出,人馬合作成績相當亮麗,好值得高度關注。

第3場二班1400米,潘頓騎「樂滿貫」肯係其中一匹爭勝分子。今季「樂滿貫」表現相當穩定,撇除3場四歲系列賽,季內全部全前四名,包括最近跑田草1400米於霍宏聲跨下上名。今次重配潘頓,相信練馬師告東尼都決心搏呢場。實在潘頓上季都騎過「樂滿貫」兼上名,人馬合作絕無問題。

第4場三班1000米直路賽,「日日型」贏面都唔低。先前呢匹自購馬搏來搏去都係得過近字,點知近2場一用潘頓即取得連捷,仲要係輕鬆取勝。今次繼續跑返贏馬路程兼配贏馬拍檔,3連捷在望。

第10場三班1400米,「合夥雄心」不妨追多次,4月中配潘明輝跑同程,入到直路搵位唔多順,最終只能追到個第6名。而今次換返潘頓再試過,相信發揮會比上次有改善。況且人馬合作2次非冠即亞,重磅都無有怕。