星期日除咗有本地10場賽次，中間仲夾咗場日本短途一級賽，高松宮記念賽(S2-1下午2時40分)。而近年當紅嘅騎師橫山武史，相信又會成為焦點，是關佢攞到匹爭勝主角「拉丁城市」。無錯，就係嚟過香港跑香港短途錦標嗰匹。
12月香港短途錦標，「拉丁城市」就跑第2名，輸畀「顯心聲」。能夠嘅海外短途賽跑得好，級數明顯高一截。基於之前騎開嘅李慕華去咗杜拜，北村友一又墮馬受傷未癒，今次就將帥權交畀橫山武史。
實在武史哥同馬主團隊Carrot Farm合作愉快，單是馬王「樂透心」已經贏盡信心。至於「拉丁城市」跑過1200米4次非冠即亞，兩度喺中京競馬場比賽都入前2名，賽績方面確實比同對唔少對手優勝。唔好忘記，日本短途佳好馬之一「妙發靈機」喺香港跌馬，返日本做完手術攞走碎骨之後，現時仍在休養當中。無埋匹主要對手，「拉丁城市」贏馬機會真係唔低。
另外有匹冷門馬「念念」都唔好輕視，去年取得4連勝後，出爭1200米草地三級賽京阪盃竟然跑包尾。突然失準後就即刻休息，體力方面應該回復。加上佢係其中一匹擺前走兼排內檔，形勢唔會太差。
