'

【世盃錦囊】比利時求贏波提早出線,無盧卡古都夠做

世界盃分組賽F組賽事,比利時鬥摩洛哥。首輪賽事比利時險勝加拿大一粒,表現多少令人失望。不過大型賽事就係咁得意,只要經驗豐富啲又或者把握力好少少,算整體演出平平都攞到理想賽果,而今屆比利時就係呢種。摩洛哥競爭力唔強,首輪打和克羅地亞時已經見盡。今場就簡單揀個主W,有1.71倍都唔錯。(星期日晚9時)

比利時今場爭勝推動力唔低,第1點係球隊若能砌低摩洛哥的話,就能打破巴西紀錄,成為世盃史上首支分組賽9連勝球隊。

第2點係今場贏波的話,即可以6分提早出線。實在比利時於世界盃對住非洲隊保持不敗,包括94年美國世界盃,擊敗過今場對手摩洛哥。

值得一提,比利時前鋒盧卡古最近有跟隨大隊操練,外媒報道呢個大隻佬距離復出不遠。但就算佢今場唔出得,以現時比利時人腳嚟計,問題都唔大。

摩洛哥首輪打和克羅地亞0比0,過程睇落都幾辛苦。加上當日有3至4名球員受傷,包括效力拜仁嘅邊路球馬茲拉奧,就算佢出得都驚唔係太弗。再者,今屆非洲球隊演出麻麻,摩洛哥唔易爆冷。